អ.ន.ក. ខេត្តបាត់ដំបង ចុះពិនិត្យការសាងសង់ផ្ទះពីរខ្នងជូនអតីតយុទ្ធជន

អ.ន.ក. ខេត្តបាត់ដំបង ដឹកនាំដោយ លោកវរសេនីយ៍ឯក វេ គឹមស៊ីម និងក្រុមការងារ នាថ្ងៃទី២៥ ខែមករា ឆ្នាំ២០២៦  បានចុះពិនិត្យការងារសាងសង់ផ្ទះជូនយោធិនឈ្មោះ ភឹម ភន អាយុ ៦៥ឆ្នាំ រស់នៅភូមិដំណាក់ដង្កោ ឃុំក្តុលតាហែន ស្រុកបវេល ខេត្តបាត់ដំបង និងអតីតយុទ្ធជនឈ្មោះ អន សារី អាយុ ៦៩ឆ្នាំ រស់នៅភូមិសាមគ្គី ឃុំបួវិល ស្រុកបវេល ខេត្តបាត់ដំបង។ ផ្ទះថ្មីទាំង២ខ្នងនេះ ជាអំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្តេចបវរធិបតី ហ៊ុន ម៉ាណែត ផ្ដល់ជូនតាមរយៈឯកឧត្តមកិត្តិសង្គហបណ្ឌិត គន់ គីម ដោយបាននឹងកំពុងសាងសង់លើដីរបស់អតីតយុទ្ធជនទាំង២រូបខាងលើនេះ៕