អ.ន.ក.ខេត្តកណ្តាល ដឹកនាំសមាជិក៥០គ្រួសារចុះពិនិត្យមើលដី និងផ្ទះនៅខេត្តកំពង់ឆ្នាំងបន្ទាប់ពីចាប់ឆ្នោតរួច

ឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល អនុប្រធានប្រចាំការ និងជាប្រធានលេខាធិការដ្ឋាន អ.ន.ក. ខេត្តកណ្តាល តំណាងឯកឧត្តម គួច ចំរើន អភិបាលនៃគណៈអភិបាលខេត្តកណ្តាល និងជាប្រធាន អ.ន.ក.ខេត្ត នៅថ្ងៃទី៥ ខែមេសា ឆ្នាំ២០២៦ បានដឹកនាំសមាជិក អ.ន.ក.ខេត្តកណ្តាល ចំនួន៥០គ្រួសារ ចុះទៅពិនិត្យផ្ទះ និងទីតាំងដីឡូតិ៍ដោយផ្ទាល់ នៅភូមិអូរកាខុប ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង ដែលរាជរដ្ឋាភិបាលរៀបចំជូនតាមរយៈសមាគមអតីតយុទ្ធជន និងនិវត្តជនកម្ពុជា បន្ទាប់ពីចាប់ឆ្នោតទទួលយកផ្ទះ និងដីឡូតិ៍ កាលពីពេលថ្មីៗកន្លងទៅនេះ។

ផ្ទះថ្មី និងដីឡូតិ៍ដែលផ្ដល់ជូននេះ គឺជាអំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រធានសមាគម និងជាគោលនយោបាយរបស់រាជរដ្ឋាភិបាលក្នុងការផ្ដល់ដីសម្បទានសង្គមកិច្ចជូនអតីតយុទ្ធជន និងនិវត្តជនណាដែលមានជីវភាពលំបាកខ្វះខាត ដើម្បីកាត់បន្ថយភាពក្រីក្រនៅក្នុងសហគមន៍ ព្រមទាំងដើម្បីតបស្នងនូវគុណបំណាច់ដែលអតីតយុទ្ធជន និងនិវត្តជនធ្លាប់តស៊ូក្នុងបុព្វហេតុជាតិ មាតុភូមិ នាពេលកន្លងទៅ៕