កូនឈើហូបផ្លែ៩ប្រភេទ សរុប ៥៥ដើមដាក់ដាំក្នុងទីស្នាក់ការ អ.ន.ក. ខេត្តបាត់ដំបង

ថ្ងៃទី១៩ ខែមករា ឆ្នាំ២០២៦ មន្រ្តីអ.ន.ក. ខេត្តបាត់ដំបង បានយកកូនឈើហូបផ្លែ៩ប្រភេទ សរុប ៥៥ដើមដាំនៅក្នុងបរិវេណទីស្នាក់ការសមាគមអតីតយុទ្ធជន និងនិវត្តជនកម្ពុជា ខេត្តបាត់ដំបង ដែលមានទីតាំងនៅភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ដើម្បីផ្តល់ប្រយោជន៍ជាម្លប់ និងបង្កើនបរិស្ថានបៃតងកាន់តែស្រស់បំព្រង។ កូនឈើទាំង៥៥ដើមនោះចំនួនរួមមាន៖ស្វាយកែវចិន ចំនួន ១២ដើម, មៀន ចំនួន ៥ដើម, ទៀបបារាំង ចំនួន ៦ដើម, ចំប៉ាដក់ទឹកឃ្មុំ ចំនួន ៥ដើម, ចំប៉ាកដក់ ចំនួន ៥ដើម, ខ្នុរវែងសុរិយា ចំនួន ១០ដើម, ខ្នុរការ៉ុត ចំនួន ៥ដើម, ខ្នុរទុរេន ចំនួន ២ដើម, ទឹកដោះគោ ស ចំនួន ៥ដើម។