លោកឧត្តមសេនីយ៍ត្រី អ៊ុំ សុភា នាំយកអំណោយ និងថវិកាសម្តេចបវរធិតី ហ៊ុន ម៉ាណែត ជូនគ្រួសាររងគ្រោះខ្យល់កន្ត្រាក់

នៅព្រឹកថ្ងៃចន្ទ ទី១៩ ខែតុលា ឆ្នាំ២០២៦ លោកឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាអនុប្រធានប្រចាំការ អ.ន.ក.ខេត្ត និងលោក ចេង ចាន់ដូណា អភិបាលស្រុកបរិបូណ៌ បានដឹកនាំ កម្លាំងទាំងបីនាំយក អង្ករចំនួន ១០០គីឡូក្រាម, មី ០២កេស, ត្រីខ ០២យួរ, ទឹកត្រី ០២យួរ, ទឹកស៊ីអ៉ីវ ០២យួរ, មុង ២ រួមនឹងថវិកាមួយចំនួន ដែលជាអំណោយដ៏ថ្លៃថ្លារបសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ទៅឧបត្ថម្ភដល់គ្រួសារប្រជាពលរដ្ឋ ចំនួន ០២គ្រួសារ (រស់នៅក្នុងផ្ទះតែមួយ) មានឈ្មោះ ឡេង ណន ភេទស្រី មានសមាជិកគ្រួសារ ០៥នាក់ និងឈ្មោះ ប៉ុយ សុចាន់ មានសមាជិកគ្រួសារ ០៧នាក់ ។ ដែលរងគ្រោះដោយគ្រោះមហន្តរាយខ្យល់កន្ត្រាក់នៅក្នុងភូមិកំពង់អួរ ឃុំខុនរ៉ង ស្រុកបរិបូណ៌ កាលពីម៉ោង ២១:០០នាទី កាលពីយប់មិញនេះ៕