អ.ន.ក. ស្រុកសំរោង នាំយកអំណោយ និងថវិកាបេឡាមរណសង្គ្រោះជូនគ្រួសារសពសមាជិក

គណៈកម្មាធិការ អ.ន.ក. ស្រុកសំរោង ដឹកនាំដោយលោក កៅ វគ្គសែល អភិបាលនៃគណៈអភិបាលស្រុក និងជាប្រធាន អ.ន.ក.ស្រុកសំរោង និងក្រុមការងារ អ.ន.ក.ស្រុក សាខាឃុំ និងអាជ្ញាធរមូលដ្ឋាន កាលពីថ្ងៃទី១៩ ខែតុលា ឆ្នាំ២០២៦ បាននាំយកថវិកាបេឡាមរណសង្រ្គោះចំនួន ៤.០០០.០០០រៀល និងលិខិតរំលែកមរណទុក្ខ ជូនគ្រួសារសព ឈ្មោះ មួន គឹមសន ភេទប្រុស មានទីលំនៅភូមិសំរោង ឃុំទ្រា  ស្រុកសំរោង ។
ក្នុងឱកាសនោះដែរលោកអភិបាលស្រុក និងក្រុមការងារ ក៏បាននាំយកអំណោយសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ឧបត្ថម្ភជូនគ្រួសារនៃសព រួមមាន អង្ករ ២៥គីឡូក្រាម, មី ១កេស, ទឹកត្រី ១យួរ, ទឹកស៊ីអ៊ីវ ១យួរ និងទឹកបរិសុទ្ធ ១កេស ផងដែរ៕