ឯកឧត្តម ស៊ូនី វង្សវិសិដ្ឋ ដឹកនាំកិច្ចប្រជុំណែនាំភារកិច្ច និងរៀបចំផែនការការងារនៃគណៈជំនាញឃោសនា អប់រំ និងផ្សព្វផ្សាយ របស់សមាគម

18 កុម្ភៈ 2026

1 នាទីអាន

នាព្រឹកថ្ងៃទី ១៨ ខែកុម្ភៈ ឆ្នាំ២០២៦ ឯកឧត្តម ស៊ូនី វង្សវិសិដ្ឋ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានគណៈឃោសនា អប់រំ និងផ្សព្វផ្សាយ នៃសមាគមអតីតយុទ្ធជន និងនិវត្តជនកម្ពុជា បានដឹកនាំកិច្ចប្រជុំណែនាំពីភារកិច្ច និងរៀបចំផែនការការងារស្នូលរបស់គណៈជំនាញ ដើម្បីជំរុញការងារឃោសនា អប់រំ និងផ្សព្វផ្សាយ ពីសមាភាពការណ៍ប្រទេសជាតិ គោលនយោបាយរបស់រាជរដ្ឋាភិបាល និងសកម្មភាពនានា ដែលពាក់ព័ន្ធនឹងវិស័យអតីតយុទ្ធជន និងនិវត្តជន ឱ្យបានកាន់តែសកម្ម និងទូលំទូលាយបន្ថែមទៀត និងជាពិសេសជំរុញការងារផ្សព្វផ្សាយជាមួយបណ្ដាអង្គភាពសារព័ត៌មានជាតិ និងបណ្ដាញសារព័ត៌មានក្នុងស្រុកជាច្រើនទៀត។

កិច្ចប្រជុំនេះធ្វើឡើងនៅក្រសួងសង្គមកិច្ច អតីតយុទ្ធជន និងយុវនីតិសម្បទា ដោយមានការចូលរួមពីលោកជំទាវ ចេន សុភានាថ ប្រធានក្រុមការងារព័ត៌មានរបស់សមាគម និងជាអនុប្រធានប្រចាំការនៃគណៈឃោសនា អប់រំ និងផ្សព្វផ្សាយ, លោក ស៊ិន សុផល អនុប្រធានគណៈឃោសនា អប់រំ និងផ្សព្វផ្សាយ, លោកស្រី ឱរ លក្ខិណា អគ្គនាយិការងនៃអគ្គនាយកដ្ឋានទូរទស្សន៍ជាតិកម្ពុជា (TVK), តំណាងលោក ថាច់ ផាន់ណារ៉ុង អគ្គនាយករងនៃអគ្គនាយកដ្ឋានទីភ្នាក់ងារសារព័ត៌មានកម្ពុជា (AKP), ព្រមទាំងក្រុមការងារពាក់ព័ន្ធមួយចំនួនទៀត៕