ស.អ.ក ខេត្តកណ្តាល នាំយកថវិកាបេឡាមរណសង្គ្រោះជូនដល់គ្រួសារនៃសពអតីតយុទ្ធជនមួយគ្រួសារ

ឧត្តមសេនីយ៍ត្រី នៃ និយម មេបញ្ជាការតំបន់​ប្រតិបត្តិការ​សឹករងកណ្ដាល​ និងជាប្រធាន ស.អ.ក ខេត្ត នាថ្ងៃទី១០ ខែសីហា ឆ្នាំ ២០២៥ នេះ បានចាត់លោកវរសេនីយ៍ឯក ឈៀ វណ្ណឌី មេបញ្ជាការ​រង ដឹកនាំក្រុមការងារចុះប្រគល់ថវិកាបេឡាមរណសង្គ្រោះចំនួន ៤លានរៀល ជូនដល់គ្រួសារសពអតីតយុទ្ធជនឈ្មោះ ជា យ៉ុន ភេទប្រុស មានទីកន្លែងកំណើតនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល ដែលបានទទួលមរណភាពកាលពីថ្ងៃទី០៥ ខែសីហា ឆ្នាំ២០២៥។ 

ជាមួយគ្នានោះ គណៈកម្មាធិការ ស.អ.ក ខេត្ត ក៏បានជួយឧបត្ថម្ភដល់គ្រួសារសពនូវ ថវិកា​ចំនួន ៥០មុឺនរៀល អង្ករ ចំនួន ៥០គីឡូក្រាម និងគ្រឿងឧបភោគ បរិភោគមួយចំនួនទៀតផងដែរ៕