ស.អ.ក ខេត្តកណ្តាល នាំយកថវិកាបេឡាមរណសង្គ្រោះជូនដល់គ្រួសារសពអតីតយុទ្ធជនមួយគ្រួសារ

លោក ចេង ឌីណា អភិបាល នៃគណៈអភិបាលស្រុក និងជាប្រធានកិត្តិយស ស.អ.ក ស្រុកខ្សាច់កណ្ដាល នាថ្ងៃទី១១ ខែកញ្ញា ឆ្នាំ២០២៥ បានដឹកនាំគណៈកម្មាធិការ ស.អ.ក ស្រុកខ្សាច់កណ្ដាល នាំយកថវិកាបេឡាមរណសង្គ្រោះចំនួន ៤លានរៀល ជូនគ្រួសារសពសមាជិកអតីតយុទ្ធជនពិការ ជៀក វ័រ ភេទប្រុស រស់នៅភូមិព្រៃធំ ឃុំសន្លុង ស្រុកខ្សាច់កណ្ដាល ខេត្តកណ្តាល ដែលបានទទួលមរណភាពកាលពីថ្ងៃទី០៣ ខែកញ្ញា ឆ្នាំ២០២៥។ 

ក្នុងឱកាសនោះ គណៈកម្មាធិការ ស.អ.ក ស្រុក ក៏បានជួយឧបត្ថម្ភ ដល់គ្រួសារសពនូវ អង្ករ ចំនួន ២៥គីឡូក្រាម និងគ្រឿងឧបភោគ បរិភោគមួយចំនួនទៀតផងដែរ។

រូបភាព៖ ស.អ.ក ខេត្តកណ្តាល