ស.អ.ក ខេត្តកោះកុង ដឹកនាំក្រុមការងារចុះសួរសុខទុក្ខ និងជូនថវិកាបងប្អូនអតីតយុទ្ធជនចំនួន ២០នាក់ នារដូវបុណ្យភ្ជុំបិណ្ឌ

ឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ជាប្រធានគណៈកម្មាធិការសមាគមអតីតយុទ្ធជនកម្ពុជាខេត្តកោះកុង នាថ្ងៃទី៥ ខែកញ្ញា ឆ្នាំ២០២៥ បានដឹកនាំក្រុមលេខាធិការដ្ឋាន ស.អ.ក ខេត្ត ចុះសួរសុខទុក្ខ និងផ្សព្វផ្សាយ នារដូវបុណ្យភ្ជុំបិណ្ឌជូនបងប្អូនសមាជិកសមាគមអតីតយុទ្ធជនកម្ពុជាស្រុកគិរីសាគរ អោយចូលរួមគាំទ្រ ជឿជាក់គោលនយោបាយរបស់រាជរដ្ឋាភិបាលកម្ពុជា ជាពិសេសបញ្ហាព្រំដែនកម្ពុជា-ថៃ ។

នាឱកាសនោះ គណៈកម្មាធិការស.អ.ក ខេត្តកោះកុង ក៏បានជូនថវិកាបងប្អូនអតីតយុទ្ធជនស្រុកគិរីសាគរ ដែលមានជីវភាពខ្វះខាតចំនួន ២០នាក់ ក្នុងម្នាក់ៗទទួលបាននូវថវិកាចំនួន ៥មុឺនរៀល អង្ករចំនួន ១បាវតូចស្មេី២០គីឡូក្រាម មីចំនួន ១កេស ឃីតចំនួន១កញ្ចប់។

រូបភាព៖ ស.អ.ក ខេត្តកោះកុង