មន្រ្តីនគរបាលជាតិ និងនិវត្តន៍ជន ក្នុងខេត្តកំពង់ចាម ទទួលបានអំណោយដ៏ថ្លៃថ្លារបស់សម្ដេចធិបតី

3 កញ្ញា 2025

1 នាទីអាន

ឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងជាប្រធានគណៈកម្មាធិការសមាគមអតីតយុទ្ធជនខេត្តកំពង់ចាម និងលោក ភោគ សាវុធ អភិបាល នៃគណៈអភិបាលស្រុកកងមាស និងជាប្រធានកិត្តិយស.អ.ក ខេត្ត នាថ្ងៃពុធ ទី០៣ ខែកញ្ញា ឆ្នាំ២០២៥នេះ បានចុះជួបសំណេះសំណាលសាកសួរសុខទុក្ខ មន្រ្តីនគរបាលជាតិ និងនិវត្តន៍ជន សរុបចំនួន១២នាក់ ដែលកំពុងមានជំងឺប្រចាំកាយ និងមានជីវភាពក្រលំបាក ក្នុងស្រុកកងមាស ខេត្តកំពង់ចាម ។

ក្នុងឱកាសនោះ ឧត្តមសេនីយ៍ទោ ហេង វុទ្ធី ក៏បាននាំយកប្រសាសន៍ផ្ដាំផ្ញើរបស់ថ្នាក់ដឹកនាំគ្រប់ជាន់ថ្នាក់ និងនាំយកអំណោយដ៏ថ្លៃថ្លារបស់ សម្ដេចធិបតី និងលោកជំទាវបណ្ឌិត ឧបត្ថម្ភដល់មន្រ្តីនគរបាលជាតិ និងនិវត្តន៍ជន នូវថវិកា និងគ្រឿងឧបភោគបរិភោគមួយចំនួនផងដែរ ៕

រូបភាព៖ ស.អ.ក ខេត្តកំពង់ចាម