ស.អ.ក ខេត្តរតនគិរី នាំយកថវិកាបេឡាមរណសង្គ្រោះជូនគ្រួសារសពសមាជិកអតីតយុទ្ធជនចំនួន ០១គ្រួសារ

គណៈកម្មាធិការ ស.អ.ក  និងសាខាមូលនិធិជាតិជំនួយសង្គម ខេត្តរតនគិរី ដឹកនាំដោយលោក វរសេនីយ៍ត្រី ម៉ង់ ចេន អនុប្រធានស.អ.ក ខេត្ត តំណាងលោកឧត្តមសេនីយ៍ត្រី មុយ សុផាត  ប្រធានសមាគមស.អ.ក ខេត្ត ព្រមទាំងអង្គភាពពាក់ព័ន្ធទាំងអស់ នាថ្ងៃទី០៨ ខែកញ្ញា ឆ្នាំ២០២៥ នេះ បាននាំយកថវិកាបេឡាមរណសង្គ្រោះ ជូនគ្រួសារសពសមាជិកអតីតយុទ្ធជនកម្ពុជាចំនួន ០១គ្រួសារ ឈ្មោះ យើង រាំងវ៉ាន់ ភេទ ប្រុស រស់នៅភូមិ ល្អក់ ឃុំល្អក់ ស្រុកអូរជុំ ខេត្តរតនគិរី ទទួលមរណភាពនៅថ្ងៃទី០៤ ខែកញ្ញា ឆ្នាំ២០២៥ មានប្រពន្ធឈ្មោះ យុន ប្រតាំង ជាអ្នកទទួលបណ្តាំ។