សម្ដេចតេជោ៖ គម្រោងផ្ដល់ជំនួយដល់កម្ពុជា គួរតែគិតបញ្ចូលការអភិវឌ្ឍវិស័យអតីតយុទ្ធជន និងនិវត្តជននៅកម្ពុជា

សម្ដេចអគ្គមហាសេនាបតីតេជោ ហ៊ុន សែន មានប្រសាសន៍ក្នុងមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស នាថ្ងៃទី២៩ ខែកញ្ញា ឆ្នាំ២០២៥ បានអំពាវនាវដល់ក្រសួងស្ថាប័នពាក់ព័ន្ធ អាជ្ញាធរគ្រប់លំដាប់ថ្នាក់ វិស័យឯកជន ដៃគូអភិវឌ្ឍន៍ និងអង្គការជាតិ អន្តរជាតិ សូមចូលរួមជាមួយសមាគមអតីតយុទ្ធជន និងនិវត្តជនកម្ពុជា តាមរយៈការបង្កើនកិច្ចសហប្រតិបត្តិការ និងការជួយគាំទ្រ ចំពោះអតីតយុទ្ធជន និងនិវត្តជននៅកម្ពុជា។ ក្នុងន័យនេះ សម្ដេចបានបញ្ជាក់ថាគម្រោងផ្ដល់ជំនួយដល់កម្ពុជា គួរតែគិតបញ្ចូលការអភិវឌ្ឍវិស័យអតីតយុទ្ធជន និងនិវត្តជននៅកម្ពុជា។