សម្តេចតេជោ ហ៊ុន សែន៖ ខ្ញុំអំពាវនាវសូមកុំមើលរំលងអតីតយុទ្ធជន និងគ្រួសារយុទ្ធជនកំពុងឈរជើងនៅសមរភូមិ

សម្តេចតេជោ ហ៊ុន សែន មានប្រសាសន៍ អំពាវនាវហើយអំពាវនាវទៀតដល់ថ្នាក់ដឹកនាំគ្រប់ជាន់ថ្នាក់នៅខេត្តស្វាយរៀង សូមកុំមើលរំលង និងត្រូវតែយកចិត្តទុកដាក់ចំពោះ អតីតយុទ្ធជន គ្រួសារយុទ្ធជនពលី គ្រួសារយុទ្ធជនពិការ និងគ្រួសារយុទ្ធជនកំពុងឈរជើងនៅសមរភូមិមុខ ព្រោះពួកគាត់ជាអ្នកយកទ្រូងទៅការពារ ពាំងគ្រាប់ដើម្បីជាតិ និងពួកយើងទាំងអស់គ្នា។

សម្តេចតេជោ ហ៊ុន សែន ថ្លែងបែបនេះពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្ត នាព្រឹកថ្ងៃទី១៤ ខែឧសភា ឆ្នាំ២០២៦ នៅសាលពិធីនៃសកលវិទ្យាល័យស្វាយរៀង ខេត្តស្វាយរៀង៕