អ.ន.ក.ខេត្តត្បូងឃ្មុំ រៀបចំកិច្ចប្រជុំត្រួតពិនិត្យការងារសមាជិក ដែលបានដាក់ពាក្យស្នើសុំដី និងផ្ទះ

សមាគមអតីតយុទ្ធជន និងនិវត្តជនកម្ពុជា ខេត្តត្បូងឃ្មុំ កាលពីថ្ងៃទី១៤ ខែកក្កដា ឆ្នាំ២០២៦ បានរៀបចំកិច្ចប្រជុំត្រួតពិនិត្យការងារ របស់លេខាធិការដ្ឋាន អ.ន.ក.ខេត្ត ក្រោមអធិបតីភាព ឯកឧត្តម គន់ រ័ត្នមុន្នី អនុប្រធានគណៈកម្មាធិការ អ.ន.ក ខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្ស ប្រធានគណៈកម្មាធិការ អ.ន.ក ខេត្ត ដោយរបៀបវរៈ ដូចជា រៀបចំក្រុមការងារចុះត្រួតពិនិត្យ និងវាយតម្លៃ សមាជិកអតីតយុទ្ធជន ដែលបានដាក់ពាក្យស្នើសុំដី និងផ្ទះ។

លើសពីនេះ សមាគមខេត្ត នឹងត្រួតពិនិត្យការធ្វើបែបបទសំណុំឯកសារ តាមគំរូថ្មី និងការធ្វើបច្ចុប្បន្នភាព ក៏ដូចជាការរៀបចំក្រុមការងារចុះត្រួតពិនិត្យដីសម្បទានសង្គមកិច្ចតាមតំបន់ព្រំដែនផងដែរ៕