ប្រធាន អ.ន.ក. ខេត្តស្ទឹងត្រែងដឹកនាំកិច្ចប្រជុំបូកសរុបលទ្ធផលការងារសម្រេចបាន

នៅរសៀលថ្ងៃសៅរ៍ ទី១៧ ខែមករា ឆ្នាំ២០២៦ នៅទីស្នាក់ការ អ.ន.ក.ខេត្ត ឯកឧត្តម សរ សុពុត្រា ប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តស្ទឹងត្រែង បានដឹកនាំកិច្ចប្រជុំលើកទី១ របស់ គណៈកម្មាធិការ អ.ន.ក.ខេត្តស្ទឹងត្រែង ដើម្បីបូកសរុបលទ្ធផលការងារសម្រេចបាន ការងារសេសសល់ រួមនឹងការដាក់ចេញទិសដៅអនុវត្តបន្ត, ត្រួតពិនិត្យតាមដានការអនុវត្តតួនាទី ភារកិច្ចរបស់គណៈកម្មាធិការខេត្ត និងយន្តការពង្រឹងការអនុវត្តការងារ និងប្រកាសសមាសភាពប្រធានលេខាធិការដ្ឋាន សមាសភាពលេខាធិការដ្ឋាន និងក្រុមការងារទាំង៤ ចំណុះលេខាធិការដ្ឋាន នៃគណៈកម្មាធិការ អ.ន.ក.ខេត្តស្ទឹងត្រែង។