ផ្លូវ​លំ​ប្រវែង​៥៥០ម៉ែត្រ​ នៅខេត្តព្រះសីហនុ បានសាងសង់រួចរាល់ជូនអតីតយុទ្ធជន​ប្រើប្រាស់លើ​ដីសម្បទាន​សង្គមកិច្ច

ឧត្ដមសេនីយ៍​ត្រី នូវ សំអុល មេបញ្ជាការ​តំបន់ប្រតិបត្តិការសឹករងព្រះសីហនុ  តំណាង​ប្រធាន​គណៈកម្មាធិការ​សមាគមអតីតយុទ្ធជន​ និង​និវត្ត​ជន​កម្ពុជា​ ខេត្តព្រះសីហនុ កាលពីថ្ងៃសៅរ៍ ទី​២៩ ខែវិច្ឆិកា ឆ្នាំ​២០២៥ បានដឹកនាំ​ក្រុម​លេខាធិការដ្ឋាន អ.ន.ក ខេត្ត ចុះ​ពិនិត្យ​ការស្ថាបនា​ផ្លូវ​លំ​ប្រវែង​៥៥០ម៉ែត្រ​និងលូ​កាត់​ទទឹងផ្លូវចំនួន ២ទីតាំង ដែលលទ្ធផល​ការងារ​​សម្រេច​បាន១០០%​ ហើយ ព្រមទាំង​ពិនិត្យ​មើល​វឌ្ឍនភាព​នៃ​ការសាងសង់​ផ្ទះចំនួន ៣១​ខ្នង ជា​អំណោយ​ដ៏ថ្លៃថ្លា​របស់​សម្តេច​អគ្គមហាសេនាបតី​តេជោ ហ៊ុន សែន ប្រធាន​សមាគមអតីតយុទ្ធជន​ និង​និវត្ត​ជន​កម្ពុជា  និងសម្តេកិត្តិព្រឹទ្ធបណ្ឌិត សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត  ពេជ  ចន្ទមុន្នី​សម្រាប់ផ្តល់​ជូនអតីតយុទ្ធជន ដែលគ្មានដី និងផ្ទះពិតប្រាកដ រស់នៅលើ​ដីសម្បទាន​សង្គមកិច្ច ស្ថិតនៅ​ភូមិ១ ឃុំ​ទំនប់រលក  ស្រុកស្ទឹងហាវ ខេត្តព្រះសីហនុ៕