មេបញ្ជាការយោធភូមិភាគកណ្តាល នាំយកអំណោយជួយដល់អតីតយុទ្ធជនពិការក្នុងក្រុងតាខ្មៅ

នាព្រឹកថ្ងៃទី១ ខែកក្កដា ឆ្នាំ២០២៥ នេះ ឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្ដាល និងជាប្រធានគណៈកម្មាធិការ ស.អ.ក ខេត្ត បានដឹកនាំក្រុមការងារ ស.អ.ក ក្រុង និងសង្កាត់ ចុះសួរសុខទុក្ខ សមាជិក ស.អ.ក. ឈ្មោះ រិន រ៉ូម៉ានី ភេទប្រុស (មុខសញ្ញាពិការ)នៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ដែលមានជីវភាពខ្វះខាត  ហើយប្រពន្ធរបស់គាត់ទើបតែវះកាត់គីសក្នុងពេលថ្មីៗនេះ។

ក្នុងឱកាសនោះ ឧត្តមសេនីយ៍ត្រី នៃ និយម បានឧបត្ថម្ភស័ង្កសី ដើម្បីជួសជុលដំបូលផ្ទះ ទំហំ ៥ម៉ែត្រ x ៦ម៉ែត្រ និងជួយរៀបចំប្រព័ន្ធភ្លើងអគ្គិសនី គិតជាថវិកាសរុបចំនួន ១.២០០.០០០រៀល និងជួយឧបត្ថម្ភថវិកាចំនួន ២៥០,០០០រៀល បន្ថែមទៀត ដើម្បីដោះស្រាយជីវភាពគ្រួសារ។