លោក វរសេនីយ៍ឯក ជឹម ស៊ីថា ជូនគ្រួសារសពសមាជិកសមាគមចំនួន ០៣គ្រួសារ ដោយក្នុងមួយគ្រួសារទទួលបានថវិកា ៤,០០០,០០០រៀល

នាព្រឹកថ្ងៃទី ២៧ ខែកក្កដា ឆ្នាំ២០២៥ លោក វរសេនីយ៍ឯក ជឹម ស៊ីថា អធិការនគរបាលខណ្ឌដង្កោ និងជាប្រធានគណៈកម្មាធិការ ស.អ.ក. ខណ្ឌដង្កោ តំណាង ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ជាប្រធានគណៈកម្មាធិការ ស.អ.ក. រាជធានីភ្នំពេញ បានដឹកនាំក្រុមការងារស.អ.ក. ខណ្ឌដង្កោ ចុះសួរសុខទុក្ខប្រគល់ថវិកាបេឡាមរណសង្គ្រោះ ជូនគ្រួសារសពសមាជិកសមាគមចំនួន ០៣គ្រួសារ ដោយក្នុងមួយគ្រួសារទទួលបានថវិកា ៤,០០០,០០០រៀល និងលិខិតចូលរួមរំលែកទុក្ខ ព្រមទាំងបាននាំយកនូវគ្រឿងឧបភោគបរិភោគមួយចំនួនឧបត្ថម្ភជូនគ្រួសារសពរួមមាន៖ អង្ករ ១បាវ, ទឹកផ្លែឈើ ០១កេស, ទឹកសុទ្ធ ០១កេស, មីជាតិ ០១កេស, ត្រីខកំប៉ុង ០១យួរ, ទឹកត្រី ០១យួរ, និងទឹកសុីអុីវ ០១យួរ ។