លោកស្រី ប៉ាល់ សម្ផស្ស អនុប្រធានការិយាល័យសង្គមកិច្ច និងសុខុមាលភាពសង្គមស្រុក តំណាងលោក ទេព ហន អភិបាល នៃគណៈអភិបាលស្រុក និងជាប្រធានកិត្តិយសសមាគមអតីតយុទ្ធជន និងនិវត្តជនកម្ពុជា ស្រុកមោងឫស្សី កាលពីថ្ងៃទី២០ ខែធ្នូ ឆ្នាំ២០២៥ បានដឹកនាំក្រុមការងារនាំយកថវិកាបេឡាមរណសង្គ្រោះ ចំនួន ៨លានរៀល ប្រគល់ជូនគ្រួសារអតីតយុទ្ធជនចំនួន ២គ្រួសារ។
គ្រួសារសពសមាជិកសមាគមអតីតយុទ្ធជន និងនិវត្តកម្ពុជា ចំនួន ២គ្រួសារ រួមមាន៖
១- លោក នេត អ៊ុន អាយុ ៨៣ឆ្នាំ បានទទួលមរណភាពកាលពីថ្ងៃទី១៥ ខែធ្នូ ឆ្នាំ២០២៥ រស់នៅភូមិអន្លង់ត្រាច ឃុំរបស់មង្គល ស្រុកមោងឫស្សី ខេត្តបាត់ដំបង។
២- អ្នកស្រី ហឿន លឿន អាយុ ៩០ឆ្នាំ បានទទួលមរណភាពកាលពីថ្ងៃទី១៧ ខែធ្នូ ឆ្នាំ២០២៥ រស់នៅភូមិកូនក្អែក២ ឃុំរបស់មង្គល ស្រុកមោងឫស្សី ខេត្តបាត់ដំបង។
រូបភាព អ.ន.ក. ស្រុកមោងឫស្សី
