កម្លាំងប៉ុស្តិ៍នគរបាលដូនបាដឹកនាំក្រុមការងារចុះបោះពុងផ្លូវក្នុងភូមិអតីតយុទ្ធជនខេត្តបាត់ដំបង

27 សីហា 2025

1 នាទីអាន

កម្លាំងប៉ុស្តិ៍នគរបាលរដ្ឋបាលដូនបា នាថ្ងៃទី២៦ ខែសីហា ឆ្នាំ២០២៥ បានសហការជាមួយក្រុមការងារមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ចុះបោះពុងផ្លូវ ក្នុងភូមិអតីតយុទ្ធជនស្ថិតនៅចំណុចទាក់ធ្នឹម ភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង ។

គួរជម្រាបជូនថា គ្រួសារអតីតយុទ្ធជនដែលទើបទទួលបានផ្ទះ និងដីក្នុងភូមិអតីតយុទ្ធជនខាងលើ មានចំនួន ៤០គ្រួសារ ដែលអ្នកចូលមករស់នៅមានចំនួន ៣៥គ្រួសារហើយ ៕

រូបភាព៖ ស.អ.ក ស្រុកគាស់ក្រឡ