បញ្ជាការដ្ឋានតំបន់ប្រតិបត្តិការសឹករងកំពង់ឆ្នាំងទទួលអំណោយពីសម្តេចបវរធិបតី ហ៊ុន ម៉ាណែត ដើម្បីបន្តការងារមនុស្សធម៌ ជួយដល់គ្រួសារវីរៈកងទ័ពជួរមុខ អតីតយុទ្ធជន និងនិវត្តជន

27 កក្កដា 2026

1 នាទីអាន

នៅព្រឹកថ្ងៃចន្ទ ទី២៧ ខែកក្កដា ឆ្នាំ២០២៦ ឯកឧត្តម នាយឧត្តមសេនីយ៍ គីម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បានអញ្ជើញមកសំណេះសំណាល និងប្រគល់សម្ភារសំណង់ គ្រឿងឧបភោគបរិភោគ ព្រមទាំងប្រេងឥន្ធនៈ ដែលជា អំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនដល់បញ្ជាការដ្ឋានតំបន់ប្រតិបត្តិការសឹករងកំពង់ឆ្នាំង ដើម្បីធ្វើការងារមនុស្សធម៌ ឧបត្ថម្ភដល់គ្រួសារវីរៈកងទ័ពជួរមុខ អតីតយុទ្ធជន និវត្តជន គ្រួសារកងទ័ព និងប្រជាពលរដ្ឋ ដែលជួបការលំបាក និង រងគ្រោះ ដោយគ្រោះមហន្តរាយនានា នៅទូទាំងខេត្តកំពង់ឆ្នាំង ។

អំណោយទាំងនោះរួមមាន៖ អង្ករ ២០តោន, ស៊ីម៉ង់ត៍ ២០តោន, ស័ង្កសី ៦,០០០សន្លឹក, មី ៣០០កេស, ត្រីខ ៣០០យួរ, ទឹកត្រី ៣០០យួរ, ទឹកស៊ីអីវ ៣០០យួរ, ប្រេងសាំង ៣,០០០លីត្រ និងប្រេងម៉ាស៊ូត ៣,០០០លីត្រ៕