អ.ន.ក. ខេត្តកំពង់ស្ពឺ ចុះសួរសុខទុក្ខ និងនាំយកអំណោយគ្រួសារវីរៈកងទ័ពពលីក្នុងសមរភូមិកម្ពុជា-ថៃ 

នៅព្រឹកថ្ងៃទី ២១ ខែសីហា ឆ្នាំ ២០២៦ ឧត្តមសេនីយ៍ទោ ម៉ាន់ ម៉ាច អនុប្រធាន អ.ន.ក.ខេត្តកំពង់ស្ពឺ បានដឹកនាំក្រុមការងារ និងអាជ្ញាធរស្រុក ឃុំ ភូមិ ចុះសួរសុខទុក្ខ និងនាំយកអំណោយជូនគ្រួសារវីរៈកងទ័ពពលីក្នុងសមរភូមិកម្ពុជា-ថៃ ឈ្មោះ ដុល ដេត ភេទប្រុស អាយុ ៤៨ឆ្នាំ នៅភូមិអន្លង់ថ្លឹង ឃុំមហាសាំង ស្រុកភ្នំស្រួច ខេត្តកំពង់ស្ពឺ។ អំណោយដ៏ថ្លៃថ្លាបំផុតរបស់ សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ្រ ចន្ទមុន្នី ដែលយកទៅប្រគល់ជូនដល់គ្រួសារសពរួមមាន៖ អង្ករចំនួន ១០០គីឡូ, មីចំនួន ៦កេះ, ទឹកសុទ្ធចំនួន ២០យួរ, ទឹកស៊ីអ៊ីវ ទឹកត្រី, ប្រេងឆា និងថវិកាចំនួន ៥០០.០០០រៀល៕