អ.ន.ក. ស្រុកគិរីវង់ នាំយកអំណោយ និងថវិកាបេឡាមរណៈសង្គ្រោះគ្រួសារសពសមាជិក

អ.ន.ក. ស្រុកព្រៃកប្បាស កាលពីថ្ងៃទី១៤ ខែកុម្ភៈ ឆ្នាំ២០២៦ ដឹកនាំដោយ លោក ងួន ឌីណា អភិបាលស្រុកគិរីវង់ និងជាប្រធាន អ.ន.ក.ស្រុក បានដឹកនាំក្រុមការងារ នាំយកប្រគល់ថវិកាបេឡាមរណសង្រ្គោះ ចំនួន ១២,០០០,០០០រៀល គ្រួសារសពឈ្មោះ និន ពិន ភេទប្រុស និវត្តជន មានទីលំនៅ ភូមិជ្រោយស្លែង ឃុំគីរីចុងកោះ ស្រុកគិរីវង់, ឈ្មោះ ប្រាក់ សារឿន ភេទប្រុស ពិការ មានទីលំនៅភូមិព្រៃជើង ឃុំគោកព្រិច ស្រុកគិរីវង់ និងគ្រួសារឈ្មោះ ហ៊ឹម ពឿន ភេទប្រុស និវត្តជន មានទីលំនៅភូមិអំរ៉ែ ឃុំព្រៃអំពក ស្រុកគិរីវង់ ខេត្តតាកែវ៕