អ.ន.ក. ខេត្តកោះកុង នាំយកអំណោយជូនសមាជិកនិវត្តជន

ថ្ងៃទី២៤ ខែកុម្ភះ ឆ្នាំ២០២៦ វរសេនីយ៍ឯក ប៉ែន សុភាព មេបញ្ជាការរងតំបន់ប្រតិបត្តិការសឹករងកោះកុង បានដឹកនាំក្រុមលេខាធិការដ្ឋាន អ.ន.ក. ខេត្តកោះកុង បានចុះសាកសួរសុខទុក្ខ និងនាំយកអំណោយមនុស្សធម៌របស់សម្តេចមហាបវរធិបតី ហ៊ុន ម៉ាណែត និងលោកជំទាវ ពេជ ចន្ទមុន្នី ជូនសមាជិក និវត្តជន អ.ន.ក. ឈ្មោះ តាន់ ហេង (និវត្តជន) នៅភូមិ៣ សង្កាត់ស្មាច់មានជ័យ ក្រុងខេមរភូមិន្ទខេត្តកោះកុង។

និងឈ្មោះ ប្រាជ្ញ អែត (និវត្តជន) នៅភូមិតានូន ឃុំតានូន ស្រុកបូទុមសាគរខេត្តកោះកុង ដែលមានជំងឺប្រចាំកាយដែលកំពុងសម្រាកព្យាបាលនៅមន្ទីរពេទ្យបង្អែកខេត្តកោះកុង៕