ឧត្តមសេនីយ៍ទោ ហួត សុធី ដឹកនាំក្រុមការងាររៀបចំពិធីសែនក្រុងពាលីសង់ផ្ទះជូនភរិយាកងទ័ពឈរជើងនៅប្រាសាទតាមាន់

លោក ឧត្តមសេនីយ៍ទោ ហួត សុធី ប្រធានគណ:កម្មាធិការ ស.អ.ក ខេត្តសៀមរាប និងឧត្តមសេនីយ៍ទោ ចៅ វ៉ាន់ហេង នាព្រឹកថ្ងៃពុធ ទី២០ ខែសីហា ឆ្នាំ២០២៥ បានដឹកនាំក្រុមការងារលេខាធិការដ្ឋាន អាជ្ញាធរដែនដី សមត្ថកិច្ចមូលដ្ឋាន រៀបចំពិធីសែនក្រុងពាលី សុំម្ចាស់ទឹកម្ចាស់ដីដើម្បីសាងសង់ផ្ទះជូន លោកស្រី ព្រឿន សុឃឹម  អាយុ២៩ឆ្នាំ ជាភរិយាវីរកងទ័ពឈរជើងនៅសមរភូមិមុខប្រាសាទតាមាន់ ឈ្មោះ ព្រឹន្ទបាលទោ ស្មឿន ចន្រ្ទា អាយុ៣០ឆ្នាំ នៅលើក្បាលដី ដែលស្ថិតនៅភូមិអង្រ្គង ឃុំកន្រ្ទាំង ស្រុកប្រាសាទបាគង ខេត្តសៀមរាប។ 

ថវិកាសម្រាប់សាងសង់ផ្ទះជូនគ្រួសារកងទ័ពដែលមានជីវភាពខ្វះខាងលើនេះ មានការជួយឧបត្ថម្ភពីក្រុមការងារយុវជន តាំង គឹមឡេង សម្រាប់ជួយដោះស្រាយការលំបាកក្នុងជីវភាពរស់នៅប្រចាំថ្ងៃ របស់គ្រួសារកងទ័ពដែលរស់នៅសមរភូមិក្រោយ។