សម្តេចតេជោ ហ៊ុន សែន ប្រមុខរដ្ឋស្តីទី ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជា បានមានប្រសាសន៍អំពាវនាវជំរុញឱ្យថ្នាក់ដឹកនាំគ្រប់ជាន់ថ្នាក់ក្នុងខេត្តតាកែវ ត្រូវយកចិត្តទុកដាក់មើលការខុសត្រូវឱ្យបានដិតដល់ ថែរក្សា និងផ្តល់ភាពកក់ក្តៅ ចំពោះបងប្អូនអតីតយុទ្ធជន និងនិវត្តជនទាំងអស់នៅក្នុងមូលដ្ឋានរបស់ខ្លួន ព្រោះពួកគាត់ដែលជាអតីតយុទ្ធជនគឺជាអ្នកយកទ្រូងពាំងគ្រាប់ការងារយើងទាំងអស់គ្នា ចំណែកអតីតមន្រ្តីរាជការស៊ីវិល ដែលជានិវត្តជន ពួកគាត់គឺជាអ្នកចូលរួមមើលថែ បណ្តុះបណ្តាល ឱ្យយើងទាំងអស់គ្នាមានថ្ងៃនេះ។
សម្ដេចតេជោមានប្រសាសន៍បែបនេះ ក្នុងពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹងនាំមន្ទីរ អង្គភាពនានាជុំវិញខេត្ត នៅព្រឹកថ្ងៃទី ៧ ខែឧសភា ឆ្នាំ២០២៦ នៅវិទ្យាស្ថានពហុបច្ចេកទេសភូមិភាគតេជោសែនតាកែវ ខេត្តតាកែវ៕
