អ.ន.ក. ខេត្តស្ទឹងត្រែង នាំយកអំណោយ និងថវិកាបេឡាមរណសង្គ្រោះជូនគ្រួសារសពសមាជិកចំនួន ៣គ្រួសារ

ថ្ងៃទី១៤ ខែសីហា ឆ្នាំ២០២៦ លោក តន ឆៃ អនុប្រធានប្រចាំការ អ.ន.ក. ខេត្តស្ទឹងត្រែង តំណាងឯកឧត្តម សរ សុពុត្រា អភិបាល នៃគណៈអភិបាលខេត្ត និងជាប្រធានគណៈកម្មាធិការ អ.ន.ក. ខេត្តស្ទឹងត្រែង បានដឹកនាំក្រុមការងារលេខាធិការដ្ឋាន អ.ន.ក.ខេត្ត នាំយកថវិកាបេឡាមរណសង្គ្រោះជូនគ្រួសារសពចំនួន៣ គ្រួសារ ស្ថិតនៅ ភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដោយក្នុងមួយគ្រួសារទទួលបានថវិកាចំនួន ៤,០០០,០០០៛។ ក្នុងឱកាសនោះដែរថ្នាក់ដឹកនាំ អ.ន.ក. ក៏បាននាំយកអំណោយជូនដល់គ្រួសារនៃសពទាំង ៣គ្រួសារ ក្នុងមួយគ្រួសារទទួលបាន អង្ករចំនួន ៥០គីឡូក្រាម, ទឹកបរិសុទ្ធចំនួន ២កេស, ភេសជ្ជៈចំនួន២ កេស ដែលជាអំណោយរបស់ ឯកឧត្តម សរ សុពុត្រា អភិបាល នៃគណៈអភិបាល ខេត្តស្ទឹងត្រែងផងដែរ៕