ឯកឧត្តម ហ៊ឺ បាវី និងឯកឧត្តម ស្បោង សារ៉ាត់ អញ្ជើញចុះប្រគល់ផ្ទះ និងអំណោយជូនគ្រួសារកងទ័ពនៅស្រុកព្រះស្តេច

ថ្ងៃទី១៤ ខែកុម្ភៈ ឆ្នាំ២០២៦ ឯកឧត្តម ហុឺ បាវី ប្រតិភូរាជរដ្ឋាភិបាលទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកព្រះស្ដេច និងឯកឧត្តម ស្បោង សារ៉ាត ប្រធានក្រុមប្រឹក្សាខេត្ត បានអញ្ជើញចុះប្រគល់ផ្ទះ អំណោយ និងថវិកា ជូន គ្រួសារកងទ័ពឈ្មោះ ខាត់ បូផា រស់នៅភូមិពោធិ៍ ឃុំក្រាំងស្វាយ និងគ្រួសារកងទ័ពឈ្មោះ ហ៊ុន ម៉ៅ រស់នៅ ភូមិឈ្នះជ័យក្រោម ឃុំក្រាំងស្វាយ ដោយក្នុងមួយគ្រួសារទទួលបាន ផ្ទះ ១ខ្នង ទំហំ ៥ ម៉ែត្រ គុណ ៧ម៉ែត្រ អំណោយគ្រឿងឧបភោគបរិភោក និងថវិកា ៧០០.០០០រៀល ដើម្បីជួយសម្រួល និងដោះស្រាយការលំបាក មានទីតាំងនៅស្រុកព្រះស្ដេច ខេត្តព្រៃវែង៕