អ.ន.ក. ខេត្តកំពង់ធំ ប្រគល់ផ្ទះជូនគ្រួសារអតីតយុទ្ធជនពលី

ព្រឹកថ្ងៃទី២៥ ខែមីនា ឆ្នាំ២០២៦ ឧត្តមសេនីយ៍ទោ សោម ស៊ុន អនុប្រធានប្រចាំការ អ.ន.ក. ខេត្តកំពង់ធំ តំណាងឱ្យ ឯកឧត្ដម នួន ផារ័ត្ន អភិបាលខេត្ត ប្រធាន អ.ន.ក.ខេត្តកំពង់ធំ បានដឹកនាំក្រុមការងារ ចុះប្រគល់ផ្ទះថ្មីមួយខ្នង ដែលជាខ្នងទី៤៣ ក្នុងស្រុកបារាយណ៍ អំណោយដ៏ថ្លៃថ្លារបស់ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ព្រមទាំងអំណោយជា ស្បៀងអាហារ គ្រឿងឧបភោគបរិភោគ សម្ភារប្រើប្រាស់ និងថវិកាមួយចំនួន ជូនគ្រួសារអតីតយុទ្ធជនពលី ដែលមានដី តែមានជម្រកស្នាក់នៅមិនសមរម្យ នៅភូមិត្រស់ ឃុំបល្ល័ង្ក ស្រុកបារាយណ៍ ខេត្តកំពង់ធំ៕