អ.ន.ក.ខេត្តសៀមរាប ចុះប្រគល់ផ្ទះជូនគណៈយុទ្ធមិត្តបម្រើកងទ័ពឆ្នាំ១៩៧៨

នារសៀថ្ងៃទី៦ ខែមេសា ឆ្នាំ២០២៦ លោក នាក់ ណេរ៉ុន អភិបាលរងខេត្តសៀមរាប និងជាអនុប្រធាន អ.ន.ក.ខេត្ត និងលោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប និងជាអនុប្រធានប្រចាំការ និងជាប្រធានលេខាធិការដ្ឋានអ.ន.ក.ខេត្ត បានដឹកនាំក្រុមការងារលេខាធិការដ្ឋានចូលរួមក្នុងពិធីប្រគល់ផ្ទះ១ខ្នង ជូនលោក សៀង ធឿន គណៈយុទ្ធមិត្តបម្រើកងទ័ពឆ្នាំ១៩៧៨ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជា ប្រធានសមាគមអតីតយុទ្ធជន និងនិវត្តជនកម្ពុជា ស្ថិតនៅភូមិកសិកម្ម សង្កាត់ស្រង៉ែ ក្រុងសៀមរាប ខេត្តសៀមរាប។

ពិធីនេះក៏មានការចូលរួមពីលោកប្រធានគណ:កម្មាធិការ អ.ន.ក ក្រុងសៀមរាប, ប្រធានមន្ទីរ-អង្គភាពពាក់ព័ន្ធ និងកងកម្លាំងប្រដាប់អាវុធទាំង៣ប្រភេទ៕