អ.ន.ក. ខេត្តតាកែវ ចុះពិនិត្យវឌ្ឍនភាពការសាងសង់ផ្ទះ និងនាំយកអំណោយជូនអតីតយុទ្ធជន​នៅស្រុកគិរីវង់

លោកឧត្តមសេនីយ៍ត្រី នាង សុភារ៉ា មេបញ្ជាការ តំបន់ប្រតិបត្តិការសឹករង​និងជាអនុប្រធាន អ.ន.ក. ខេត្ត តាកែវ និងលោក ងួន ឌីណា អភិបាលស្រុក គិរីវង់ និងជាប្រធាន អ.ន.ក.ស្រុក​ កាលពីថ្ងៃទី២៨ ខែមិថុនា ឆ្នាំ២០២៦ បានដឹកនាំក្រុមការងារ អ.ន.ក. ខេត្ត ស្រុក  ឃុំ និងអាជ្ញាធរមូលដ្ឋាន ចុះពិនិត្យវឌ្ឍនភាពការសាងសង់ផ្ទះ និងនាំយកអំណោយរួមមាន អង្ករ ២៥គីឡូក្រាម ទឹកបរិសុទ្ធ ១កេស និងមីជាតិ ១កេស ស៊ីម៉ងត៍ ១តោន និងថវិកា ១០០.០០០រៀល ជូនអតីតយុទ្ធជន ឈ្មោះ ចាន់ ម៉ន ភេទ ប្រុស រស់នៅភូមិតាអូរខាងជើង ឃុំតាអូរ ស្រុកគិរីវង់ ខេត្តតាកែវ៕